FJKM Ilanivato Misionera
FAMPIANARANA Alarobia 30 Janoary 2019 Mpampianatra : Rarijason Hery, mpitandrina
NY TANTARAN’I ABRAHAMA REHEFA TAFIDITRA TAO KANANA
Gen 20 :1-13
Fony mbola Abrama no anaran’i Abrahama dia nomen’Andriamanitra teny fikasana izy. Izany teny fikasana izany no nitondran’Andriamanitra ny fiainan’i Abrahama.
Abrahama = rain’ny firenena maro
- Ny niantsoana an’i Abrahama
Ny Gen 12 :1-3 dia milaza ny teny fikasana nomen’Andriamanitra an’i Abrahama « Ary hoy Jehovah tamin’i Abrahama : mandehana miala amin’ny taninao sy ny havanao ary ny tranon’ny rainao hankany amin’ny tany izay hasehoko anao ; dia hahatonga anao ho firenena lehibe Aho sady hitahy anao sy hahalehibe ny anaranao ; ary ho fitahiana tokoa ianao ; ary hitahy izay manozona anao Aho, fa hanozona izay manozona anao ; ary aminao no hitahiana ny firenena rehetra ambonin’ny tany», izany hoe misy :
-Tany omena
-Taranaka
-Firenena lehibe
-Fitahiana amin’ny tany
- Izay niantsoin’ny Tompo anao no hitondrany ny fiainanao.
I Saraha, vadin’i Abrahama dia nantsoina niaraka tamin’ny vadiny. Mpiray antso amin’i Abrahama izany i Saraha.
- Mila mahazaka ny antsonao izay ho vadinao.
Ny anarany tany am-piandohana hoe Saray no notsofohana « H » (=fiainana mandrakizay) dia lasa Saraha, ka niteraka izy ilay momba teo satria nomena aina.
Ny and.1 hoe « nifindra nankany amin’ny tany atsimo ka nitoetra teo anelanelan’i Kadesy (=voahosotra) sy Sora (=rindrina mafy fiarovana) , ary nivahiny tao Gerara (=boribory, « cercle ») izy » dia milaza fa nihodikodina fotsiny Abrahama satria tsy mbola tena fantany izay tany halehany.
Nefa efa voahosotra i Abrahama ka narovan’Andriamanitra.
II- Ny fizahan-toetra ny « vady »
Esorin’ny Tompo foana izay mety iankinanao « appui » mba ahavitanao ny sitrapony.
Sal 145 :14 « Jehovah manohana izay rehetra efa ho lavo, sy mampitraka izay rehetra mitanondrika »
Lasa nitady lainga hiarovana ny tena i Abrahama ka nilaza an’i Saraha hoe anabaviny tamin’i Abimeleka (=rain’ny mpanjaka)
Misy fizahan-toetra ny antso nataon’ny Tompo tamin’ny olona iray nefa tsy maintsy arovany ilay antso. Rehefa miala amin’ny antso ianao dia tsy voaaro intsony.
Raha vao manaiky Saraha hijanona ao an-dapa dia rava ny antson’i Abrahama. Izay no nahatonga an’Andriamanitra niseho tamin’i Abimeleka mba hiarovany ny antso nataony.
Andriamanitra mampahafantatra ny heriny (Sal 145 :3)
III- Ny fandrantsanan’Andriamanitra (brisement)
And 9 -> Ny jentilisa (Abimeleka mpanjaka) indray no nananatra ny « rain’ny mino » (Abrahama) ka nanao taminy hoe « inona izao nataonao taminay izao ? » rehefa nahafantatra fa vadin’i Abrahama i Saraha izay nalainy ho ao an-dapa.
Hitan’i Abrahama fa meloka izy nefa mbola nanamarin-tena indray (and 11) :
- Nitsara mialoha hoe « tsy misy fahatahorana an’Andriamanitra ny tany »
- Nihevitra ny tenany ho marina ka nanameloka ny hafa
- Nitady « argument » hanamarinana lainga, amin’ny nilazany fa « demi-sœur »’ny i Saraha
- Nanana tahotra ny ho faty, tsy nahatoky ny Tompo
Hoy ny Sal 130 :4 « fa eo aminao no misy famelan-keloka, mba hahatahorana Anao » -> Ny olona nandray famelan-keloka dia matahotra an’Andriamanitra
Tsy iray ihany ny antso ataon’ny Tompo aminao. Inona ary no niantson’ny Tompo anao ?
Farany, hoy ny Jer 32 :27 « moa misy zava-mahagaga izay tsy hain’i Jehovah va » . Toy izany no nanafahan’Andriamanitra an’i Saraha